2011.07.10 婚禮 - 婚宴場地
要有一個婚禮，首要當然先要有個場地，合適的場地很難找，首要價錢合理，又要交通方便，食物質素好，場地環境四正之餘又要夠體面........
睇場地前先要搜集資料，最好就是去婚紗展一次，因為個到有最齊的酒席資料，大大小小的酒店酒樓都會去擺BOOTH，港九新界都有齊，真是找酒席資料的最好地方!!!
第一次基本上都沒有時間慢慢睇，因為會有大班人不停比leaflet 你，你做的就是不停接收和接收....... 除非你事前已經有心水就可以直接去問清楚，如果唔係都係返屋企先慢慢研究吧~~~ 再唔係如果已經定左日子就可以順道問下自己的日子FULL左未，就唔洗又打電話去宴會部問了~~
當然一開始都有想過搵酒店的，可是酒店的價錢真的要多很多呢~~~ 但是又唔想搵現在的公式酒樓，事源在我們結婚前有很多朋友結婚，婚宴都是在一般彩福, 皇府, 皇上皇, 皇潮匯之頖，最後飲完發現都是一個味，酒樓的服務....... 唯一我們都公認美心的水準真的多年不變，個次朋友擺荃灣間美心皇宮真係幾好， 場地四正又無柱樓底高(因為前身係戲院)，
食物服務都不錯，不過個舞台就細左D~~~
始終Budget有限，雖然好想擺酒店但係都唔可以"格硬黎"的.......... 我們都諗住揀唔到都就係美心的翠園或者鴻星!!! 點都唔揀皇府的!!!
之前其實有心水好想擺黃金海岸的，很驚喜的是佢的價錢真的很OK，唔洗$7000圍!! (2010的價，包加一酒水，不過就係中菜廳個邊) 我老公同朋友之前去飲過都話D食物質素很好!! 酒店的服務也不會差得去邊吧~~~ 正想CONFIRM的時間，問一問媽咪就話 -------- [ 咁遠 !!!!! 山長水遠去個到??? ]
唉，又要交通方便，有旅遊巴咪得囉......... 又話唔好，唔可以揀尖沙咀個D咩?? 呀，去尖東的話咪又係要行..... 個個都係要彌敦道行過去又唔係行嘛??
長話短說吧~~~
最後呢 我們揀左 海韻軒海景酒店 - 天澄閣 在紅磡火車站，都會海逸酒店後面，穿過都會海逸個商場行條天橋就到， 在POLY COLLEGE 隔離，半島豪庭附近，紅灣半島對面!!! 有興趣可以CLICK入去睇下之前的JM的CMMT~~~ 都叫做係酒店呢~~~
雖然地點好多人都話地點唔係咁方便，但係其實去尖東都係要在彌敦道行過去架啦，佢地又有穿梭巴士在紅磡火車站來回接送都幾好，當然最重要都係場地靚， 雖然長方形但算四正無柱又樓底高!!! 最好的其實就是樓底高，只要高呢個場就變得冇咁逼，空間感好好多，加上我們只擺20圍左右，最尾個枱都唔會睇唔到個台~~~~~ 不過有個唔好處就係D電視機放到好高位置，D人可能會睇得辛苦D.......... 同埋最後太忙都唔記得左整結婚相的 slideshow ><" 真係曬晒囉......
當然價錢上都真的幾實惠，
唔洗$6000圍!! (2010的價，包晒加一酒水)，一般的東西都包晒 - 滿20席送酒店房一晚，展覽期間的優惠 (滿20席可以每圍減 $200， 4-8月平日擺酒的話滿10席可以減 $5000，滿20席可減一萬蚊!!! (我唔係lol ><")，滿20席有場地佈置回贈$2000，仲送席前席後不停穿梭巴士在紅磡火車站來回接送，席後加送架旅遊巴送賓客到你指定地點 (不過有穿梭巴士來回火車站已經好OK，因為過海的，東鐡線的，西鐡線的，觀塘線的都已經搭到晒!!!)
佢仲係如果比現金/支票找數的話，會有1%回贈!!! 真的變相慳左唔少錢!!! 最後屋企人都覺得食物質素唔錯，侍應服務都OK，或者冇朋友同我投訴啦~~~~ ^^
OVERALL 都幾滿意~~~
沒有留言:
張貼留言