原本對結婚蛋糕都真的冇咩要求的，因為都知道通常酒席送得的都係最普通的款式 = 什果忌廉蛋糕， 曾經睇過 Phoebe designer bakery ，她是早期的wedding cake designer，不過一個小小的2層蛋糕都索價$2XXX !!! 還有 fondant cake 的甜度也不是大部份人可以接受的，因為結婚蛋糕的就多數是 fondant cake至少自己已經不喜歡食甜，於是就放棄了............ 所以當時去R酒席的時候就算經理提議upgrade蛋糕磅數比我，我都沒有要到呢.......
然後有一天看到有blogger分享說有些酒席所贈送的蛋糕是 CAKE 2 提供的，還可以自己加錢upgrade個蛋糕!!! CAKE 2 主要做結婚蛋糕，是近年一間很有名氣的店，因為很多名人幫襯，楊千樺的9 層結婚蛋糕就是佢地的!!!
但是有沒有我份先?
之後很緊張地追問酒席的經理說:「是的!! 我們的蛋糕是 CAKE 2 的!!」聽到之後真的非常開心呀，慌忙要求她送返 upgrade蛋糕磅數比我!! 原本都以為經理不會加返比我啦，不過在我窮追猛打下終於都加返比我，原本送5磅的，最後送到最多8磅比我!!
不過 upgrade 當然要先知道咩價錢先得啦，如果跟原價一樣的話都唔洗再問了.......... 之前都大約知道個價錢，有分cream cake & fondant cake 2 種，cream cake $248/ 磅，酒席送的磅數每一磅當$100減再有個8 折!!! 如果這樣upgrade真的很抵呢~~~ 不枉自己C9仔都要他們送返個磅數比我呀!!!
之後打電話去cake2問下，原來仲有cake tasting的服務!! 去左天后總店，個SALES姐姐攞左 2 碟蛋糕出黎，有6件每款不同的味道，仲要係卷蛋SIZE!!! 食到我們勁飽!! 約左下午四點先去，好彩冇食埋下午茶!! 個SALES姐姐係好熱血的人，睇得出她好鐘意呢份工，她好細心介紹每個味道，款式同聽我們的意見和要求，食左一陣仲攞左壺英式茶比我們飲.......... 蛋糕的味道選擇很多，有咖啡蛋糕夾朱古力軟心脆脆，朱古力蛋糕夾軟心脆脆，黑森林，綠茶蛋糕夾紅豆蓉，綠茶蛋糕夾粟子蓉 & 鮮果忌廉....... 每一個都很好食!! 其實原本都想訂架啦，不過又未諗定個蛋糕款式，所以當日沒有馬上落訂.........
有日去左尖沙咀新店睇下，那是他們第一間分店，當時仲未完全開張，不過有個年紀大些的女人很好招呼，又唔HARD SELL又好傾，其實蛋糕的味道我們都試了只是差款式和蛋糕的顏色，她很好人介紹了一個薑芒味的CREAM比我(因為我唔想要粉紅色!!)，在很難想像味道之際，她二話不說就係個餅櫃攞左個餅比我們試，說這個就是薑芒味的CREAM!!! 真的估唔到呢，佢呢個餅係賣的，仲賣成$40!!! 值得一讚真的是他們的蛋糕，就算成個CREAM CAKE都唔甜又滑，真正是食得又好味的結婚蛋糕呀~~~~
最後我們選了2 層 (多一層才似結婚蛋糕嘛~~) 用薑芒做CREAM + 玫瑰唧花&葉，還有我想加些糖霜蝴蝶和銀色糖珠圍邊，她還說可以免費加比我呢~~~~ 可能她跟我們太好傾，走的時候仲送左2盒曲奇餅比我，我又幫襯左2個小CREAM CAKE返屋企食!! 真的很滿意呢~~~~
買的小cream cake~~~~
我的結婚蛋糕 @ CAKE 2
(上層) 咖啡朱古力軟心脆脆 (下層) 綠茶粟子蓉
我的結婚蛋糕 @ CAKE 2
(上層) 咖啡朱古力軟心脆脆 (下層) 綠茶粟子蓉
沒有留言:
張貼留言