2011.07.10 婚禮 - 花球

其實本身對花球的要求都冇咩，唯一就是想要有我最愛的紫色鬱金香~~~

基本上所以新娘子都先會留意一下 Anges B 花球的，我都沒有例外，也被她的紫色鬱金香花球深深吸引住!!!
下面是一位新娘子的
Anges B 紫色鬱金香花球!!!    

http://blog.yahoo.com/cubiehappyfamily/articles/371206


但是都是因為太貴了，一個花球連新郎襟花誠為$1700 !!!  金都有間賣$1280 (鬱金香花球連所有襟花!!)  果真有名的價錢都佔了一半呢~~~~   我又唔想去金都做，因為都聽過品質唔好的事,,,,,,,  始終成千蚊買個花球呀~~~~
去花墟睇過，平一平都有 $500 就有一個連襟花套餐的，又因為款式老土作罷.......  有一些新潮些的花店，可是價錢都不平，真的很頭痛呀!!!

最後上網搵了又搵，在FACEBOOK睇到 Jade's Paradise， 她是業餘的，一日接一單JOB，近期佢在花嫁界很紅，在我舊年睇佢的時候2011年尾的期都已經爆滿了!!!  最近見佢連2012年的鮮花/絲花期都已經係完全FULL晒呢~~~~ 真的很誇張呢!!!

由於她太FULL了，雖然我的大日子她都有期，但是因為還未想到自己喜歡的款式而作罷...............  但係點呢??  好煩呀!!!  出面好多都好似信唔過咁，點好呀?? 

上網搵了又搵，最後偶然在FACEBOOK搵左個女仔叫 "OH! JOYCE"，做花球她是業餘的，她主力做DESIGN，backdrop/ wedding theme design都有，在最後一輪左搵右搵唔係得返好多時間，終於我在3月CONFIRM左佢..........  比較下感覺佢做的花球比較 "圓"，任何角度都可以睇到花球的花材!!!  正正就是我想要的!!! 

佢好有耐性，在我CONFIRM左佢之後佢就打電話比我傾下我想要咩款式和喜歡的花材，同我傾COLOR THEME的時候還給我很多SUGGESTION和圖片參考!!!

由於我七月結婚，好多人都會concern怕花球會好快殘，佢話會搵些"襟"的花，我好想要紫色鬱金香，可是七月不是鬱金香的花期，但是她說會加比我，不過花可能會是細頭的，只要有都冇所謂吧...........   其實由頭到尾我要求的都只是鬱金香和一個好 "夏天FEEL" 的花球，也沒有特別要求其他什麼花 (因為真的沒有什麼IDEA ........)，而由頭到尾我都只是給她我喜歡的顏色圖片作參考，全都交給她作主!!!  真的任她發揮的!!!  最後她見議我用 紫色+橙色+桃紅 的色調，在最後的時間也給我用花及圖片作確認個 color combination 的資料，看見都已經很喜歡!!! 
完全係夏天FEEL呢~~~~  有我最想要的紫色，但又不失夏天之美呀~~~~  

   

我知道都要當時在花墟有什麼合適花材才可考慮去做花球，所以在這裡見議新娘子一定要好好跟FLORIST溝通，給她多一點資料自己喜愛的顏色和花材，或者從她以前的作品選一些自己喜歡的款式，當然也最好提供一些不喜歡的類型和花..........  這樣就可以減低收到一個不滿意的花球了~~~~

當然最後我都沒有失望，下面的就是製成品啦~~~~  我的超甜美色彩繽紛的花球!!!!  真的為我的婚禮添上生氣呢!!!
其實我到大日子才看到我個花球，因為之前實在太忙了，都是到當日找個兄弟去攞花球的，但是沒有想到真的沒有失望，還很有驚喜呢~~~


我真的很喜歡我的花球呀~~~~